ကောင်းမှုပြုသော သူပင်ဖြစ်သော်လည်း မိမိပြုသော ကောင်းမှုအကျိုးမပေးသေးသမျှ မကောင်း ကျိုး နှင့် တွေ့ ရသေး၏။ ကောင်းမှုအကျိုးပေးသော အခါ ထိုကောင်းမှုပြုသောသူသည် ကောင်းကျိုးချမ်း သာနှင့် တွေ့ရ၏။
မကောင်းမှုပြုသော သူပင်ဖြစ်သော်လည်း၊ မိမိပြုသော မကောင်းမှုအကျိုးမပေးသေးသမျှ ကောင်း ကျိုး နှင့် တွေ့ရသေး၏။ မကောင်းမှုအကျိုးပေးသော အခါ ထိုမကောင်းမှုပြုသောသူသည် မကောင်းကျိုး ဆင်း ရဲဒုက္ခနှင့်တွေ့ရ၏။
(ဓမ္မပဒ၊ ပါပ၀ဂ်)
ဗုဒ္ဓဘာသာဝင်တို့သည် ရတနာသုံးတန်နှင့် ကံ၊ ကံ၏ အကျိုးကို ငုတ်စိုက်ကျောက်ချသည့်ပမာ ခိုင်ခိုင်မြဲမြဲ စွဲစွဲနစ်နစ်ယုံကြည်ရပါသည်။ ရတနာမြတ် သုံးပါးကို နှစ်နှစ်ကာကာယုံကြည်မှုမရှိသော် ဗုဒ္ဓဘာ သာဝင် စစ် စစ်မဖြစ်နိုင်သကဲ့သို့ ကံ-ကံ၏အကျိုးကို ခိုင်ခိုင်မာမာယုံကြည်မှုမရှိလျှင်လည်း ဗုဒ္ဓဘာသာဝင် စစ်စစ် မဖြစ်နိုင်ပါ။''ကံကိုသာ အနှစ်သာရအားဖြင့် ယုံကြည်ခြင်း''သည်၊ အထက်တန်းစား ဗုဒ္ဓဘာသာဝင် တို့၏ သွင်ပြင်လက္ခဏာတစ်ရပ်ဖြစ်ပါ၏။ ဗုဒ္ဓဘာသာ ၀င်တစ်ဦးအနေဖြင့် ကံ-ကံ၏အကျိုးကို ယုံကြည်မှု သည် အရေးကြီးသောကြောင့်၊ အလှူမင်္ဂလာပွဲများ တွင် သံဃာတော်အရှင်မြတ်ကြီးများက အလှူရှင်အား ရေ စက်ချဆိုရိုးကို ချပေးရာ၌-
''ကမ္မÍ္ဇ-ကံကိုလည်းကောင်း၊ ကမ္မဖလÍ္ဇ- ကံ၏ အကျိုးကိုလည်းကောင်း၊ ရတနတ္တယဂုဏÍ္စ- ရတနာသုံးပါး တို့၏ ဂုဏ်ကျေးဇူးကိုလည်းကောင်း၊ သဒ္ဓမိတွာ-ယုံကြည်ကြပါကုန်သည်''ဟူ၍ ဆိုချပေး လေ့ရှိပါသည်။
ဗုဒ္ဓမြတ်စွာဘုရားကို ကိုးကွယ်ဆည်းကပ် သူတစ်ဦးအနေဖြင့် ပြုလုပ်အပ်သော ကံသည်ရှိ၏။ ထို ပြုလုပ် ခြင်းမှ ထွက်ပေါ်လာသော ကံ၏အကျိုးသည် ဧကန်ရှိ၏ဟု ယုံကြည်ထားဖို့ လိုအပ်ပါ၏။ ကံနှင့်ကံ၏ အကျိုး ကို ယုံကြည်ခြင်းသည် မှန်သော အယူအမြင် ဖြစ်ပါ၏။ သမ္မာဒိဋ္ဌိဖြစ်ပါ၏။ ကံနှင့်ကံ၏အကျိုးကို မယုံကြည်ခြင်းသည် မှားသော အယူအမြင်ဖြစ်ပါ၏။ မိစ္ဆာဒိဋ္ဌိဖြစ်ပါ၏။
ဗုဒ္ဓဘာသာဝင်တစ်ဦးအနေဖြင့် ကံ-ကံ၏ အကျိုးကို ယုံကြည်သည်ဆိုရာတွင် ကံ၏ သဘော သဘာဝကို သိဖို့လိုသလို ကံအကျိုးပေးမှု၏ သဘော သဘာဝကိုလည်း သိရှိနားလည်ထားသင့်ပါသည်။ နိ ယာမ ဒီပနီတွင် ကျေးဇူးရှင်လယ်တီဆရာတော်ကြီးက ''ကံသည် အထွေထွေအပြားပြားအလွန်များ၏။ ပြော ဖွယ် သိဖွယ်အလွန်ကျယ်၏''ဟု ရေးသားတော်မူခဲ့ပါ သည်။
ကံဟူရာတွင် 'အတိတ်ကံ'နှင့် 'ပစ္စုပ္ပန်ကံ' ဟူ၍ရှိပါ၏။ ဤသို့ ကံနှစ်ကံရှိရာတွင် ကံအကျိုးပေး နှင့် စပ်လျဉ်းလျှင် 'ပစ္စုပ္ပန်ကံ'ရော 'အတိတ်ကံ'ကိုပါ ယူရပါသည်။ ဆိုရသော် လူတစ်ဦး၏ ဘ၀အကျိုးပေး သည် 'ပစ္စုပ္ပန်ကံ'တစ်ခုတည်းအပေါ်၌သာ တည်မှီ မနေဘဲ အတိတ်ကံအပေါ်၌လည်း တည်မှီပါသည်။ လက်တွေ့အားကိုးအားထားပြုရာတွင်မူ ပြုပြင်ပြောင်း လဲခြင်းငှာ မစွမ်းသာတော့သော အတိတ်ကံထက် ပစ္စု ပ္ပန်ကံကိုသာ အားကိုးအားထားပြုရပေသည်။ ပြုခဲ့ပြီး၊ ဖြစ်ခဲ့ပြီးသော အတိတ်ကံကို မျက်မှောက် ဘ၀တွင် မိမိ အနေဖြင့် ဖန်တီးပြုပြင်၍ မရတော့။ သို့ဖြစ်၍ လက် ဆုပ်လက်ကိုင်ရှိနေသော ပစ္စုပ္ပန် ကံကိုသာ အစွမ်းကုန် ကောင်းသည်ထက်ကောင်းအောင် ဆောင်ရွက်ရပေ လိမ့်မည်။
မျက်မှောက် ဘ၀တွင် ပစ္စုပ္ပန်ကံကိုသာ အားကိုးအားထားပြုရမည်မှန်သော်လည်း၊ ပစ္စုပ္ပန်ဘ၀ ကံအကျိုး ပေးနှင့် စပ်လျဉ်းသော် ပစ္စုပ္ပန်ကံသက် သက်တစ်ခုတည်းအပေါ်တွင်သာ ကြည့်ရှုသုံးသပ်လျှင် မူ မပြီး ပြည့် စုံပါ။ အတိတ်ကံနှင့်ပစ္စုပ္ပန်ကံပေါင်းစပ် အကျိုးပေးသော ကံ၏ သဘောသဘာဝကို ဥာဏ်နှင့် ယှဉ် ၍ ဆင်ခြင်တတ်ဖို့ လိုပါသည်။
ကောင်းတာလုပ်သော်ကောင်းတာဖြစ်မည်၊ မကောင်းတာလုပ်သော် မကောင်းတာဖြစ်မည်ဟူ၍ မြန်မာ ဗုဒ္ဓဘာသာဝင်အများစုက ယေဘုယျအားဖြင့် ယုံကြည်လက်ခံထားတတ်ကြပါ၏။
သို့တစေ အချို့ သောသူများသည် ကိုယ်ကျင့်သိက္ခာကောင်းမွန်၏။ ကောင်းမှုသုစရိုက်များကို ပြု၏။ မိစ္ဆာအာဇီဝမှုဖြင့် စီးပွားမရှာ။ သူတစ်ပါးတို့၏ အကျိုးစီးပွားကို ထိခိုက် အောင် မည်သည့်အခါမျှမပြု။ ထိုသို့ ကောင်းမှုတွေ ပြုနေလင့်ကစား ခါးသီးသော အဆိုးလောကဓံနှင့် ကြုံတွေ့ရခြင်းမျိုးဖြစ်တတ်ပါ၏။ ဤသို့သော အဖြစ် မျိုး မိမိကိုယ်တိုင် ကြုံတွေ့ရသည်ဖြစ်စေ၊ သူတစ်ပါး တို့ ကြုံဆုံရသည်ကို တွေ့ ရ သော အခါဖြစ်စေ၊ ကောင်း တာလုပ်လျှင် ''ကောင်းတာဖြစ်တာ အလကားပါ။
ကောင်းတာလုပ်နေရင်းက ဒုက္ခတွေနဲ့ ရင်ဆိုင်နေရ တာပဲ''ဟူသော အတွေးမျိုးဝင်တတ်ပါ၏။ ကံ-ကံ၏ အကျိုးအပေါ် သံသယ၀င်လာတတ်ပါ၏။ ကံ-ကံ၏ အကျိုးအပေါ် ယုံကြည်သက်ဝင်မှု ယိုင်နဲ့အားပျော့ လာတတ်ပါ၏။ အမှန်တော့ ထိုသူတို့သည် ကံ၏အကျိုး ပေးမှုနှင့်ပတ်သက်လျှင် ပစ္စုပ္ပန်ကံ တစ်ခု တည်း အပေါ် ၌သာ ကြည့်သော အစွန်းတစ်ဖက်ကို တက်နင်းမိခြင်း ပင်ဖြစ်ပါ၏။ ကံအကျိုးပေးအပေါ် ယုံ ကြည် မှု နှင့် ပတ် သက်၍ အစွန်းနှစ်ဖက်ရှိပါ၏။ ကျန်အစွန်းတစ်ဖက် မှာ ဖြစ်ဖြစ်သမျှ တွေ့ကြုံ ရင် ဆိုင်ရသော လောကဓံ အကောင်းအဆိုးဟူသမျှ 'အတိတ်ကံ'ကြောင့်ချည်းဟု အတိတ် ကံတစ်ခု တည်း အပေါ် ပုံချခြင်းပင်ဖြစ်ပါ၏။
အမှန်စင်စစ် အတိတ်ကံတွင် အကောင်းရှိ သလို အဆိုးလည်းရှိသည်။
ယင်းအတိတ်ကံကောင်း၊ အတိတ်ကံဆိုးတွင်ပင် အားကြီးသော ကံ၊ အားသေးသော ကံဟူ၍ရှိသည်။ ဆိုရသော် အတိတ်ကံကောင်းတွင် အားကြီးသော အတိတ်ကံကောင်း၊ အားသေးသော အတိတ်ကံကောင်းဟူ၍ ရှိသလို အတိတ်ကံဆိုးတွင် လည်း အားကြီးသော အတိတ်ကံဆိုး၊ အားသေးသော အတိတ်ကံဆိုးဟူ၍ရှိသည်။
ထိုနည်းအတူ ပစ္စုပ္ပန်ကံ တွင်လည်း အားကြီးသော ပစ္စုပ္ပန်ကံကောင်း၊ အား သေးသော ပစ္စုပ္ပန်ကံကောင်း၊ အားကြီးသော ပစ္စုပ္ပန် ကံဆိုး၊ အားသေးသော ပစ္စုပ္ပန်ကံဆိုးဟူ၍ရှိပါသည်။
ထိုသို့ရှိရာတွင် ပစ္စုပ္ပန်ကံကောင်းဖြစ်စေ၊ အတိတ်ကံကောင်းဖြစ်စေ ကောင်းကျိုးပေးရာ၌ အချိန် ကာလကွာခြားမှုရှိသည်။ ထိုနည်းအတူ ပစ္စုပ္ပန်ကံဆိုး ဖြစ်စေ၊ အတိတ်ကံဆိုးဖြစ်စေ ဆိုးကျိုးပေးရာ၌ အချိန် ကာလကွာခြားမှုတွေရှိပါသည်။ ချက်ချင်းအကျိုးပေး သော ကံတွေလည်းရှိ၏။ နှစ်အတန်ကြာမှအကျိုးပေး သော ကံတွေလည်းရှိ၏။ နောင်ဘ၀ကျမှ အကျိုးပေး သော ကံတွေလည်းရှိ၏။
ကံအကျိုးပေးချိန်နှင့် စပ် လျဉ်း၍ ကျေးဇူးရှင်တောင်တန်းသာသနာပြုဆရာတော် ကြီးဦးဥတ္တမသာရက-
''ကံတရားဟူသည် အချိန်နှင့်လိုက်၍အကျိုး ပေးသည်။ ယနေ့ပြုထားသော ကံသည်ပြုထားသူအား နောင်တစ်ချိန်တွင် အခါအခွင့်သင့်တိုင်း ထိုကံတို့က အကျိုးပေးရန် ဆိုက်ရောက်လာပေလိမ့်မည်။ မိုးဦးက စိုက်ပျိုးထားသော သစ်ပင်သည် မိုးလယ်တွင် စားသုံး ရသည်လည်းရှိ၏။ မိုးနှောင်းကာလမှ စားသုံးရသည် လည်းရှိ၏။ ထိုနှစ်တွင် မစားသုံးရသေးဘဲ နှစ်နှစ် သုံး နှစ်ကြာမှသော်လည်းကောင်း၊ ဆယ်နှစ်ကြာမှသော် လည်းကောင်း စားသုံးကြရသော အပင်မျိုးလည်းရှိ၏။ ကံတရား၏ အကျိုးပေးချိန်သည် ထိုသဘာဝနှင့်ထပ် တူဖြစ်၏။ သတ္တ၀ါတိုင်းမှာ ကံတရားအခြေအနေဆို သည်က တစ်ဖြောင့်တည်းသွားနေနိုင်ခြင်းမရှိပါ။ ခေါက်ရှာငှက်ပျံသကဲ့သို့ နိမ့်ချည်မြင့်ချည်ဖြစ်လေ့ရှိ ကြသည်''ဟူ၍ မိန့်တော်မူခဲ့ပါ၏။
ကံအကျိုးပေးမှုသဘောသဘာဝအကြောင်း ကို ကျေးဇူးရှင်ဓမ္မဒူတအရှင်ပညာဇောတဆရာတော် ကြီးက-
''ကုသိုလ်ရဲ့ အကျိုးပေးကလဲ ရုတ်တရက် ချက်ချင်းကြီး မပေးသေးဘူး။ ရင့်ကျက်မှပေးတဲ့ကံဆို တာရှိတယ်။ မရင့်ကျက်သေးဘဲ အကျိုးပေးတဲ့ကံဆို တာလဲရှိတယ်။ တချို့ကုသိုလ်တွေအပေါ် မယုံမကြည် ဖြစ်လာတတ်တာက ငါတို့ကုသိုလ်တွေလုပ်နေလျက် နဲ့ ကောင်းကျိုးပေးတယ်ဆိုပြီး ဘယ်မှာလဲ။ မပေးပါ လား။ တော်ပြီ မလုပ်တော့ဘူး။ ပင်ပန်းရုံပဲရှိတယ်။ ဘာမှလဲ အကျိုးမပေးဘဲနဲ့ ဘာလုပ်ရမှာလဲလို့''မယုံ ကြည်ဘဲ လက်လျှော့လိုက်တတ်တယ်။
ကုသိုလ်မလုပ်ဘဲ နေရုံတင်မကဘဲ အကု သိုလ်ဘက် ပါသွားတတ်တယ်။ ဒီလိုဆိုရင်တော့ မိမိ တို့ ရှုံးပြီ။ ကံရဲ့သဘာဝက အကျိုးပေးချိန်တန်မှ အကြောင်းညီညွတ်မှစုံမှ အကျိုးပေးတာ။ အဲဒါကို ကိုယ်က မသိတဲ့အခါကျတော့ ကုသိုလ်ပေါ်မှာလည်း မယုံကြည်ဖြစ်ပြီး စွန့်ပယ်တတ်တယ်။ အကုသိုလ်ပေါ် မှာလည်း ရဲရဲတင်းတင်းပြုရဲသွားတတ်တယ်။ အဲဒါဆို မှားပြီ။ အဲဒါသဘောပေါက်ရမယ်''ဟူ၍ ရေးသား တော်မူခဲ့ပါသည်။
ကုသိုလ်ကံ အကုသိုလ်ကံဟူသည် အခွင့်ရ သောအခါ ၀င်ပြီး အကျိုးပေးတတ်ကြောင်းကို ကျေး ဇူးရှင် အရှင်ဇနကာဘိဝံသဆရာတော်ကြီးက ဤသို့ မိန့်တော်မူခဲ့ဖူးပါ၏။
''ကုသိုလ်ကံ အကုသိုလ်ကံအကျိုးပေးတယ် ဆိုတာ ဓာတ်သတ္တိအရှိန်အ၀ါတွေ မပျက်ဘဲ ပါလာ ပြီးတော့ အခွင့်ရတဲ့အခါဝင်ပြီး အကျိုးပေးတာ။ အကု သိုလ်ကံအကျိုးပေးနေတဲ့အခိုက်မှာ ကုသိုလ်ကံတွေ က ဘေးဖယ်နေကြတယ်။ ကောင်းတဲ့ကံ၊ မကောင်းတဲ့ ကံဆိုတာတွေဟာ ပြုလုပ်ပြီးလို့ အထမြောက်ပြီးက တည်းက အကျိုးပေးဖို့ စောင့်မျှော်နေသလိုဖြစ်တော့ တယ်'' ပစ္စုပ္ပန်တွင် ကံကောင်းတွေ လုပ်နေလင့်ကစား၊ ထိုကံကောင်းတွေ အကျိုးပေးခွင့်မသာသေးခင်မှာပင် ရှေးဘ၀က ပြုခဲ့သည့် ကြီးမားသော အတိတ်ကံဆိုး က ၀င်ရောက်အကျိုးပေးတတ်ပါ၏။ ထိုသို့သောအခြေ အနေမျိုးတွင် ကောင်းတာလုပ်နေသည့်တိုင် ကောင်း ကျိုးတွေနှင့် မတွေ့ကြုံရခြင်းဖြစ်တတ်ပါသည်။ အမှန် စင်စစ် အတိတ်ကံနှင့်ပတ်သက်သော် မိမိ၏ အတိတ် ကံ မည်သို့ရှိခဲ့သည်ကို မိမိမသိနိုင်ပါ။ သူတစ်ပါး၏ အတိတ်ကံ မည်သို့ရှိသည်ကိုမူ ပို၍ပင်မသိနိုင်ပါ။
သို့ဖြစ်သောကြောင့် ကောင်းတာလုပ်နေ သူတစ်ဦး မကောင်းကျိုးပေးနေသည်ကို တွေ့မြင်ရ သောအခါ ပစ္စုပ္ပန်ကံသက်သက်ကို မကြည့်မူလျက် ''သြော်-သူ့ခမျာ ကောင်းတာတွေလုပ်နေရှာသော် လည်း အတိတ်ကံဆိုး အကျိုးပေးချိန်နှင့် ကြုံဆုံနေ ပါကလား''ဟုသာ မှတ်ထင်သင့်ပါသည်။ ထို့အတူ မကောင်းတာလုပ်နေသူတစ်ဦး ကောင်းကျိုးပေးနေ သည်ကို တွေ့မြင်ရသောအခါ ပစ္စုပ္ပန်ကံသက်သက် ကို မကြည့်မူလျက် ''သြော်-သူက ပစ္စုပ္ပန်မှာ မကောင်း တာလုပ်နေပေမယ့် ရှေးဘ၀က ကံကောင်းတွေ အကျိုး ပေးချိန်နဲ့ ကြုံဆုံလို့ ကံကောင်းနေပါသလား''ဟု နှလုံး သွင်းသင့်ပါသည်။
မိမိကိုယ်တိုင်လည်း ကောင်းတာ တွေလုပ်နေပါလျက် မကောင်းတာတွေနဲ့ ကြုံဆုံနေ သော် မိမိ၏ အတိတ်ကံဆိုးက အားကောင်းမောင်း သန်အကျိုးပေးချိန်နှင့် ကြုံဆုံနေပြီဟုသာ ယုံကြည်သင့်ပါသည်။ ကံနှင့်ကံ ၏အကျိုးအပေါ်ကိုမူ မည်သည့်နည်းနှင့်မျှ သံသယ မ၀င်သင့်ပါ။ မယုံမကြည် မဖြစ်သင့်ပါ။
ကောင်းတာလုပ်သော် ကောင်းကျိုးပေး မည်။ မကောင်းတာလုပ်သော် မကောင်းကျိုးပေးမည်။ စေတနာမြောက်သော ကံသုံးပါးမှန်သမျှ အဟော သိကံမဖြစ်။ အချည်းနှီးမဖြစ်။ အချိန်တန်သောအခါ တူသောအကျိုးပေးမည်သာဖြစ်ပါသည်။ ဤသည်နှင့် စပ်လျဉ်း၍ ကျေးဇူးရှင် ဓမ္မဒူတအရှင်ပညာဇောတ ဆရာတော်ကြီးက-
''ကံတစ်ခုကို လုပ်မိရင် အကျိုးသုံးပိုင်းပေး တတ်ပါတယ်။ ဆိုပါတော့။ အကုသိုလ်ကံတစ်ခုလုပ် မိရင် အဲဒီအကုသိုလ်ကံက မျက်မှောက်မှာလဲ ဒုက္ခ ပေးတတ်ပါတယ်။ မပေးရင် တတိယဘ၀က နိဗ္ဗာန် ရောက်သည့်တိုင်အောင် အခါအခွင့်သင့်တဲ့ဘ၀မှာ အကျိုးဒုက္ခပေးပါတယ်။
ကုသိုလ်ကံလည်း မျက်မှောက်သုခ၊ နောက် ဘ၀သုခ၊ တတိယဘ၀ကနေ လျှောက်ပြီး နိဗ္ဗာန်ရောက် သည့်တိုင်အောင် လျော်တဲ့ဘ၀မှာ သုခပေးပါမယ်။ အကုသိုလ်ကံကို နိုင်တာဟာ ကုသိုလ်ကံပါ''ဟု မိန့် တော်မူခဲ့ပါ၏။
သို့ဖြစ်သောကြောင့် ပစ္စုပ္ပန်တွင် မကောင်း တာလုပ်နေလင့်ကစား ကောင်းတာတွေဖြစ်နေသည် မှာ အမြဲမရှိနိုင်။ ခဏတာကာလကို ကြည့်ပြီး ''မ ကောင်းတာလုပ်နေလဲ ကောင်းတာတွေ ဖြစ်နေတာပဲ'' ဟု မှတ်ချက်မချမူလျက် ရေရှည်တစ်ဘ၀တာကာလ ကို စောင့်ကြည့်ရန် လိုပါလိမ့်မည်။ ရှေးအတိတ်ကံ ကောင်းအကျိုးပေးချိန်ကုန်ဆုံးသောအခါ ပစ္စုပ္ပန်တွင် ပြုသည့် မကောင်းသော ကံက မကောင်းကျိုးပေး လိမ့်မည်မှာ အသေအချာသာဖြစ်ပါသည်။ ထုိ့အတူ ကောင်းတာလုပ်နေသော်လည်း မကောင်းတာတွေ ဖြစ်နေသည်မှာ ခေတ္တခဏသာဖြစ်ပါလိမ့်မည်။ ရှေး အတိတ်ကံဆိုး အကျိုးပေးချိန်ကုန်ဆုံးသောအခါ ပစ္စုပ္ပန် တွင် ပြုသည့် ကောင်းသောကံက အကျိုးပေးမည်မှာ ယုံမှားဖွယ်မရှိပါချေ။
ကံတရား၏ အကျိုးပေးချိန်သဘော သဘာဝကို မှန်ကန်စွာ နားလည်သဘောပေါက်ပြီး ကံအကျိုးပေးအပေါ် စဉ်းငယ်မျှ သံသယမ၀င်မူလျက် ပစ္စုပ္ပန်အချိန်တိုင်း အချိန်တိုင်းတွင် ကောင်းသောကာ ယကံမှု၊ ၀စီကံမှု၊ မနောကံမှုများကို ပြုခြင်းအားဖြင့် ဘ၀ကောင်း ဘ၀မွန်တစ်ခုကို လှလှပပတင့်တင့်တယ် တယ်ပုံဖော်ထုဆစ်သွားသင့်ပါသည်။ ။
မင်းနန် (မော်ကျွန်း)
